Ул борынгы татар халкын төрле этнотерриториаль төркемгә бүлмәскә өндәде

 Фото: inform.kz

 

Кыенлыкларга карамастан, татарның киләчәге бар, чөнки ул белемле һәм алгарышлы милләт. Мондый фикерне Татарстан Республикасы Президенты Рөстәм Миңнеханов мәкаләсенә җавап итеп Казахстан татарлары һәм башкортлары конгрессы рәисе Тәүфикъ Кәримов белдерде.

 

«Әйе, тарихи яктан шулай килеп чыкты, без бүген бөтен дөнья буйлап диярлек сибелгән, һәм безнең тамырлар кемнеңдер Казанда, Әстерханда яки Себердә булса да, без барыбыз да бер гаилә, без — татарлар», — диде Кәримов.

 

Ул борынгы татар халкын төрле этнотерриториаль төркемгә бүлмәскә өндәде, «Татар-информ» хәбәр итә. Шуңа да карамастан, татарлар кайда гына яшәсәләр дә, алар лаеклы эз калдырган — бу милләтнең алга таба үсешенә өмет уята.

«Әйе, без барыбыз да дөнья безне укымышлы, алгарышлы, гомумкешелек кыйммәтләре һәм социаль гаделлек өстенлекләре белән, заманча дөньяның каршылыклы шартларында уңышлы җайлашкан милләт буларак күрүен һәм белүен телибез. Нәкъ менә шуңа күрә дә барлык кыенлыкларга карамастан, татарның киләчәге бар, һәм ул бары тик үзебездән, һәрберебездән тора», — диде конгресс башлыгы.

Туган телне өйрәнү һәм ярату, халыкның рухи һәм мәдәни кыйммәтләрен үстерү мөһим, һәм монда иҗтимагый оешмалар зур роль уйный. Татар дөньясын берләштерү һәм үстерү миссиясе Бөтендөнья конгрессына йөкләнә, дип искәртте Тәүфикъ Кәримов.

 

Охшаш мәкаләләр:

Мәрҗани исемендәге Тарих институты директоры Рафаил Хәкимов: «Татар теленә игътибар көчәер»

Винера Ганиева: «Балада милли горурлык хисен нәкъ менә кече яшьтән үк тәрбияләү зарур!»

Рустам Минниханов: «Кем мы себя точно не видим, так это «сувенирным народом»