Узган елдан аермалы буларак, башка милләт вәкилләренең катнашуы да көтелми

 

Быел Казанда Татар яшьләре көннәрендә чит илләрдән делегатлар катнашмый. Форум 2-6 сентябрьдә «Идел» яшьләр үзәгендә була. Бу хакта «Татар-информ» мәгълүмат агентлыгында узган матбугат конференциясендә «Идел» яшьләр үзәге директоры Ләйсән Сафина әйтте.

«Кызганычка каршы, быел чит илләрдән делегатлар катнаша алмый, әмма форумның Төркия, Прага, Австралиядә яшәүче ветераннары белән онлайн очрашу көтелә», — дип сөйләде ул.

Былтыр татар яшьләре көннәрендә бер башкорт егете катнашкан иде. Ләйсән Сафина быел башка милләт кешеләренең булмаячагын әйтте. «30 еллык юбилей булгач, катнашырга теләүче ветераннар да бик күп. Быел татарлар гына катнашачак», — диде ул.

«Татар яшьләре көннәре» форумы быел 30 еллык юбилеен билгеләп үтә. Татар яшьләре көннәрен ТР Яшьләр эшләре министрлыгы, Татар федераль милли-мәдәни автономиясе, «Идел» яшьләр үзәге оештыра. Татар яшьләре көннәренең максаты — Россия Федерациясенең төрле төбәкләрендә һәм чит илләрдә яшәүче татар яшьләре арасында милли кыйммәтләрне пропагандалау, үстерү, туган телгә һәм татар халкы тарихына кызыксыну уяту.

 Охшаш мәкаләләр:

Лагерь для татарских детей из регионов при минмолодежи РТ пройдет дистанционно

ХXIХ Дни татарской молодежи: 140 делегатов, уроки татарского языка, мастер-классы, презентация проектов

На Дни татарской молодёжи в Казань приедет 140 человек из 40 регионов России