Актуально

Беренче Президент балаларга телләрне кечкенәдән өйрәтүне отышлы дип саный

Фото: tatcenter.ru

Беренче Президент балаларга телләрне кечкенәдән өйрәтүне отышлы дип саный. Мәктәптә елларында немец теленнән алган белемнәрен үзе һаман да онытмый икән. Бу хакта vatantat.ru порталы яза.

«Адымнар» кая илтә? Күп телле мәктәпләргә белгечләр ничек әзерләнәчәк?

– Бүген әлеге белгечләр КФУда әзерләнә. Без моны җайга салабыз. Педагогик көллиятләрне дә, телне белүчеләрне дә җәлеп итәчәкбез. Иң мөһиме – бу эшкә керештек. Күп телле мәктәпләр кешеләрне дә бер-берсе белән бәйли. Арада катнаш гаиләләр дә бар, аларның балаларына бу төр мәктәпләрдә укырга җайлырак булачак. Бу – мәгариф кенә түгел, илне алга алып бара торган проект. Бу – безнең казаныш. Беренче адымнар җиңел бирелми. Әмма мин башланган эшнең барып чыгачагына ышанам, – диде Минтимер Шәймиев. –Туган тел – халыкның күңеле. Телне, гореф-гадәтләрне саклау өчен полилингваль мәктәпләр кирәк. Белемне бирә белсәк, бернинди шик юк. Телләрне иртәрәк өйрәткән саен файдалырак. Беренче елларда тел турында искә алынмый, барысы да уен формасында оештырылачак. Сколково – алдынгы уку йорты. Иннополис аңа караганда соңрак булдырылса да, хәзер аның ничек эшләвен, андагы алдынгы технологияләр үсешен барыбыз да күрәбез.

Охшаш мәкаләләр:

Первый президент РТ Минтимер Шаймиев принял участие в проекте театра Камала «ӘЛЕ…»

Минтимер Шаймиев о нации, образовании и судьбе татарского языка: «Нам нужны маяки!»

Как татарскому народу сохранить свою национальную идентичность в эпоху глобализации?