Татар һәм башкорт телләрендәге лексика үзәге 94,9 процентка туры килә

 

«Миллиард татар» сайты «Сводеш исемлеге»нә сылтама белән хәбәр иткәнчә, татар һәм башкорт телләре 95 процентка тәңгәл килә. 

«Бу телләр игезәкләр кебек охшаш, бертуганнар кебек — аларның лексика үзәге 94,9 процентка туры килә», — диелә бу хәбәрдә. Төрек һәм азәрбайҗан, казах һәм кыргыз телләренең бу лексикасы 86 һәм 92 процентка туры килә.

Мәсәлән, һәр татар башкорт сөйләмен җиңел аңлый, ә төрек яки чуваш телен аңлау күпкә катлаулырак.

Язма авторы Америка лингвисты Моррис Сводеш методы буенча телләрне чагыштыру объектив, бу — статистика булуына игътибар итә. 100 яки 200 иң мөһим сүз: «мин», «син», «биредә», «кем», «бер», «зур», «кеше», «эт», «агач» кебек һәм башка сүзләр алып чагыштырыла. Бу хакта «Татар-информ» хәбәр итә.

 

Статьи по теме:

В Татарстане запустили новое медиа о татарской жизни «Миллиард.татар»

В интернете дан старт официальному показу мультфильмов «Учим татарский с Ак Буре»

Ученые из Республики Татарстан разработали портал обучения тюркским языкам