Онлайн-конференция имам Ваһап хәзрәт Хәйретдиновның тууына 150 ел тулуга багышланган

 21 16

Фото: dumso.ru

 

Онлайн конференция Түбән Новгород өлкәсенең Актук авылы имамы Ваһап хәзрәт Хәйретдиннең тууына 150 ел тулуга багышлана. Конференциянең төп максаты — Түбән Новгород өлкәсендә яшәүче мишәр-татар халкының тарихын, дини һәм милли мирасын яхшырак аңлау һәм яктырту.

Финляндиядә яшәүче мөселман мишәр-татар азчылыгының зур өлеше Түбән Новгород якларындагы Актук авылыннан күченеп килгән. Әлеге җирлектә имам һәм укытучы булып Ваһап хәзрәт Хәйретдин хезмәт иткән. Аның эшчәнлеге иң фаҗигале вакытларга туры килә. Ваһап хәзрәтнең нәсел дәвамчылары хәзер Финляндиядә яши. Бу хакта Бөтендөнья татар конгрессының матбугат хезмәте хәбәр итә.

 

21 17

 

Онлайн конференциядә Россия мөселманнары Диния нәзарәте рәисе, мөфти Равил хәзрәт Гайнетдин, Финляндия ислам җәмгыяте рәисе Гөлтән Бәдретдин, Түбән Новгород мөселманнары Диния нәзарәте рәисе Гаяз хәзрәт Закиров, Р. Ваһапов исемендәге татар мәдәнияте фонды рәисе Рифат Фәттахов һ.б. ларның катнашуы, кызыклы чыгышлары көтелә.

Конференция 24 нче октябрьдә 17.00 сәгатьтә узачак.

 

Охшаш мәкаләләр:

Добавить комментарий



loading...

ЛЕГЕНДЫ ТАТАРСКОЙ ЭСТРАДЫ


Последние комментарии

HABEPX