«ДТМ» форумын беренче тапкыр үткәргәндә рус телендә әйтелгән һәр сүз өчен ун тиенгә штраф билгеләделәр

Фото: photo.tatar-inform.ru

 

«Идел» яшьләр үзәге директоры Ләйсән Сафина «Татар яшьләре көннәре» форумында катнашучыларның яртысы татар телен начар белүен әйтте. Бу хакта ул«Татар-информ» мәгълүмат агентлыгында узган матбугат конференциясендә сөйләде.

«Татар яшьләре көннәрендә катнашучыларның 50 процентка якыны татар телен бик начар дәрәҗәдә белә. Билгеле, Татарстаннан килүче егет-кызларның татар телен белү дәрәҗәсе яхшы. Татар телен өйрәнергә кирәк дигән фикерне башка яшьләргә җиткерүдә алар безгә ярдәм итәр дип өметләнәбез. Форумдагы чаралар ике телдә булачак», — дип сөйләде ул.

 

Ләйсән Сафина беренче Татар яшьләре көннәрендә дә татар телен камил белмәүчеләрнең булуын искә алды.

«Беренче Татар яшьләре көннәрендә рус телендә әйтелгән һәр сүз өчен ун тиен штраф булган», — диде ул.

 

Татарстан Республикасы яшьләр эшләре министрының беренче урынбасары Тимур Сөләйманов форумның максаты татар телле яшьләрне түгел, ә татар җанлы яшьләрне җыю булуын әйтте. Ул форумга берничә тапкыр килүчеләрнең татар телен белү дәрәҗәсен тикшерергә тәкъдим итте.

Быел Татар яшьләре көннәре 2-6 сентябрьдә «Идел» яшьләр үзәгендә узачак.

 

Охшаш мәкаләләр:

Быел «Татар яшьләре көннәре» форумында» чит илдән килгән делегатлар катнашмый

Лагерь для татарских детей из регионов при минмолодежи РТ пройдет дистанционно

ХXIХ Дни татарской молодежи: 140 делегатов, уроки татарского языка, мастер-классы, презентация проектов